माटो परिक्षण तथा व्यवस्थापन तालिम सम्पन्न

सुर्खेत, ४ मंसिर ।
सुर्खेतको वीरेन्द्रनगरमा नीजी प्राविधिक सेवा प्रदायकहरुको लागि वेमौसमी तरकारी बालीमा मोटो परिक्षण तथा व्यवस्थापन सम्वन्धी ४ दिने तालिम सम्पन्न भएको छ ।
उच्च मूल्य कृषि वस्तु विकास आयोजनाले आयोजना गरेको तालिममा जुम्ला, कालिकोट, अछाम, दैलेख, सुर्खेत, सल्यान र जाजरकोटका १८ जना नीजी प्राविधिक सेवा प्रदायकहरुको सहभागीता रहेको थियो  ।
तालिममा माटो परिक्षण तथा व्यवस्थापन, क्रप, नू एप्लीकेशन र जिआइएसमा आधारित अनुकूलता नक्साङकन बारेमा सैदान्तिक र व्यवहारिक जानकारी दिइएको छ ।
माटोको भौतिक, रासायणिक र जैविक गुणहरु, वोट विरुवाको लागि आवश्यक खाद्य तत्वहरु, विरुवामा खाद्य तत्वहरुको कमीका लक्षणहरु र सुधारका उपायहरुबारेमा पनि जानकारी दिइएको छ ।


यस्तै माटोको वनौट, मलखाद र सिार्य व्यवस्थापन, प्रांगारिक पदार्थको महत्व, स्रोतहरु र व्यवस्थापन, माटोको परिक्षण विधी, माटो परिक्षणका लागि नमुना संकलन, कीट वक्स विधीवाट माटोमा भएको खाद्य तत्वहरुको जाँच, र नजिताको आधारमा माटो व्यवस्थापन मलखाद सिफारिस वारेमा पनि सहभागीलाई ज्ञान दिएको आयोजनाका सेवा बजार सुदृढिकरण विज्ञ रामप्रसाद पुलामीले बताउनु भयो ।
तालिममा पिएच मिटरवाट माटोको अम्लिय र क्षरियपनको जाँच गर्ने तरिका, बालीको पोषक तत्वको प्रयोग र जिआइएसमा आधारित बाली अनुकुलता नक्साङकन बारेमा पनि सहभागीलाई सैद्धान्तिक र व्यवहारिक ज्ञान दिइएको पनि उहाँले बताउनु भयो ।
तालिममा माटो व्यवस्थापन निर्देशनालयका प्रमुख माटो विज्ञ इन्द्रबहादुर ओली र माटो विज्ञ वलराम रिजालले प्रशिक्षण दिनु भएको थियो ।
तालिमको समापन गदै आयोजना प्रमुख राजेन्द्रप्रसाद भारीले कृषिमा आधुनिकिकरण हुदै गएको भन्दै नयाँ नयाँ प्रविधिको प्रयोगवाट नै किसानले अधिकतम फाइदा लिन सक्ने बताउनु भयो ।
उहाँले तालिमका सिकेका कुरा व्यवहारमा लागु गर्न पनि तालिमका सहभागीहरुलाई सुझाव दिनुभयो ।

प्रकाशित मितिः ५ मंसिर २०७४, मंगलवार ०५:५०

Leave a Reply

Your email address will not be published. Required fields are marked *