सुर्खेत, ९ मंसिर । कर्णाली प्रदेश योजना आयोगले प्रदेशको पञ्चवर्षीय योजना चालु अार्थिक वर्ष ०६५/६६ मै निर्माण गरिसक्ने निर्णय गरेको छ । मुख्यमन्त्री तथा आयोगका अध्यक्ष महेन्द्रबहादुर शाहीको अध्यक्षतामा आइतबार मन्त्रिपरिषदको कार्यालयमा सम्पन्न पहिलो बैठकले दीर्घकालीन विकास मार्गदर्शनको रुपमा प्रथम पञ्चवर्षीय योजनाको आधारपत्र चालु आव भित्रै तयार गर्ने निर्णय गरेको हो ।
बैठकले परियोजना वैंक तयार गर्ने, कर्णाली प्रदेशको दीर्घकालीन गुरुयोजना तयार गर्ने, कर्णाली प्रदेशको वास्तविक अवस्था पहिचानसहितको तथ्यांक, सूचकांक र प्रारुप तयार गर्ने लगायतका निर्णय गरेको उनले जानकारी दिए ।
आयोगको कामलाई प्रभावकारी बनाउन आवश्यक कार्ययोजना र कार्यतालिका तयार गरी आगामी बैठकमा पेश गर्ने निर्णय पनि बैठकले गरेको छ । बैठकमा योजना आयोगका पदाधिकारी तथा प्रदेश सरकारका मन्त्रीहरुको सहभागिता रहेको थियो ।