बद्री पन्त
जाजरकोट १३, पुस
स्वास्थ्य सेवा विभागले जाजरकोट अस्पतालमा प्रमुखको जिम्मेवारी कसैलाई नतोक्दा ६ महिनादेखि सेवा प्रवाह अस्तब्यस्त भएको छ । अस्पतालमा कार्यरत ६ जना मेडिकल अधिकृत मध्ये कसैलाई पनि प्रमुखको जिम्मेवारी नतोकी दिंदा स्वास्थ्य सेवा प्रवाहमा समस्या आएको हो ।
अस्पतालमा निर्देशन दिने कोहि नहु“दा स्व्ँँस्थ्यकर्मीले विरामीको उपचार, एक्सरे, भिडियो एक्सरे, ल्याब, स्टोर, खोप, ओपिडी, ईन्डोर, आकस्मिक लगाएत सेवामा लापरबाही गर्ने गरेका छन् । जस्का कारण अस्पतालको दैनिक सेवा अस्तब्यस्त बनेको छ । विभिन्न स्वास्थ्य सेवा र उपचारका लागि जस्लाई सोधे पनि थाह छैन भन्ने गरेको स्थानीय दीपक खत्रीले बताए । उपचारका लागि अस्पताल आएका विरामीलाई कस्को के जिम्मेवारी भन्ने थाह नहुने र सम्बन्धित फा“टमा पुग्दा सेवाप्रदायक नभेटीने गरेको उनले बताए । कर्मचारीले कसैले कसैलाई टेरपुच्छर नलगाउने र मन लागी कार्य गर्ने अवस्था सृजना भएको खत्रीले बताए । सम्बन्धित निकायले उपचार सेवामा लापरबाही गर्ने कर्मचारी विरुद्ध गुनासो सुन्ने ब्यक्ति नै नतोक्दा समस्या भएको उनले बताए ।
प्रमुख नहु“दा अस्पतालको प्रशासनिक कार्य, उपचार, जनशक्ति परिचालन, लेखा लगाएत सेवा संचालनमा कठिनाई आएको लेखापाल जय प्रसाद पाण्डेले बताए । जिल्ला स्वास्थ्य प्रमुख धीरजंग शाहले जिम्मेवारी नलिंदा र अस्पतालमा कार्यरत डाक्टर मध्ये कसैलाई पनि जिम्मेवारी नदिंदा सेवा प्रवाहमा अफ्ट्यारो परेको लेखापाल पाण्डेले बताए । प्रमुख कोहि नह“ुदा बजेट खर्च, उपकरण खरीद, औषधी खरीद लगाएतमा समस्या भएको उनले बताए । कोष तथा लेखा नियन्त्रण कार्यालयले तलब खाने बाहेकको बजेट निकासा पनि रोकेको उनले बताए । जनस्वास्थ्य र अस्पताल छुट्टा छुट्टै कार्यालय भैसकेकाले अस्पतालको प्रमुख छुट्टै तोक्नु पर्ने उनले बताए । ‘५० शैयाको जाजरकोट अस्पतालमा ११ औं तहको मेडिकल सुपरिटेन्डेन्ट प्रमुख हुने ब्यबस्था छ । आर्थिक बर्ष शुरु भएको ६ महिना वित्यो । तर अस्पताल प्रमुख विहीन छ,’ उनले भने ।
अस्पतालमा कार्यरत डाक्टर मध्येका सिनियर डाक्टर चा“दनी जैसवाललाई निमित्त मेडिकल सुपरिटेन्डेन्टको जिम्मेवारीका लागि मन्त्रालय र स्वास्थ्य सेवा विभागमा पत्रचार गरेपनि कुनै निर्णय भएको छैन । लिखित पत्र नआएको र प्रमुख को हो भन्ने पनि थाह नभएको डा जैसवालले बताईन् । प्रमुख नहुदा कस्लाई के जिम्मेवारी वहन गर्ने भन्ने अन्यौल भएको उनले वताईन् । जस्ले स्वास्थ्य सेवा प्रभावित भएको उनको भनाई छ ।
