पदम केसी
जाजरकोट
जनप्रतिनिधीले वेवास्था गरेपछि जाजरकोटको डाँडागाउँका युवाहरु आफैले व्यक्तिगत खर्चमा सडक निर्माण गरेका छन् ।
आफ्नो गाउँ ठाउँको विकासको लागि आफैले पनि केही योग्दान दिनुपर्छ भनेर व्यक्तिगत खर्चमा सडक खनेको नलगाड नगरपालिका २, डाडाँगाउँका युवाहरुले बताए ।
विभिन्न पेशा र व्यवसायमा संलग्न उनीहरुले रिजादेखि चैतेकाफल, शिर्पाखोला, कुईयाकाँडा र गढी जोडने सडक निर्माण गरेका हुन ।
उक्त सडकबाट गढी, कुइँयाकाँडा, रुमली, शिर्पाखोला, फल्याखारा, मष्टखारा, गौरीखोलाका बासिन्दालाई आवतजावत गर्न निकै सुविधा भएको छ ।
युवाहरुको लगानीमा खनिएको उक्त सडक एक हजार ५० मिटर लामो, ७ मिटर चौडा र पौने ८ मिटर उचाई रहेको छ ।
राजकुमार केसी, गणेश केसी, बालकृष्ण गौतम, लोकेन्द्र केसी, रामबहादुर केसी, रमेश केसी, यज्ञप्रसाद गौतम, बलराम जैसी, रविलाल खत्री, प्रताप जैसीलगायतका युवाहरुले झण्डै १० लाख रुपैया बराबरको सडक निर्माण गरेको छन् । 
गाउँलेहरु भन्छन्, स्थानीय सरकारले गर्न नसकेको काम युवाहरुले गरेर देखाई दिए ।
आफ्नो गाउँको विकासको लागि सधै सरकारको मुखताक्नु भन्दा आफैले पनि केही गर्नुपर्छ भन्ने सन्देश दिन व्यक्तिगत खर्चमा सडक खनेको युवाहरु बताउँछन् ।
उनीहरु भन्छन्, सबै गाउँलेलाई फाइदा हुने गरी सडक बनाउँ भन्दा जनप्रतिनिधीले वेवास्था गरेपछि आफ्नै लगानीमा सडक बनायौ ।
सकारात्मक सोचाई भएका युवाहरुलाई आफुहरुले आगामी दिनमा हरेक काममा साथ दिने पनि गाउँलेहरु बताउँछन् ।
गाउँल भन्छन, युवाहरुले पहल नगरेको भए हाम्रो टोलमा सडक पुग्ने थिएन्, उनीहरुले हाम्रो लागि राम्रो काम गरिदिए ।
युवाहरु पनि गाउँलेहरुको साथ, सहयोग र समर्थनले अघि बढने हौसला मिलेको दावी गर्छन ।
