सुर्खेत, २२ भदौ ।
सेवामैत्री प्रशासन, संघीयतामा सुशासन’ भन्ने नाराका साथ सुर्खेतमा पनि विभिन्न कार्यक्रम गरी निजामति सेवा दिवस मनाइएको छ ।
दिवसकै अवसरमा निजामति कर्मचारीहरुको वीरेन्द्रनगर बजारमा प्रभातभेरी निकालेका छन
कार्यक्रममा कर्मचारीहरुले जिल्ला स्तरमा काम गर्ने कर्मचारीमध्ये उत्कृष्ठ कर्मचारीलाई स्थानीय स्तरमै सम्मान गर्न सके उत्साहका साथ काम गर्ने वातावरण सिर्जना हुने बताएका छन ।
उनीहरुले राष्ट्रिय स्तरबाट सम्मान गर्ने गरेपनि मोफसलमा काम गर्ने कतिपय इमान्दार कर्मचारीहरुले सम्मान नपाएको भन्दै उनीहरुले काम गर्ने वातावरण निर्माणका लागि स्थानीय स्तरमै सम्मान गर्नेमा जोड दिएका छन ।
उनीहरुले निजामति कर्मचारीहरु जनताप्रति उत्तरदायी हुन सकेमात्र जनताले परिवर्तनको अनुभूति गर्ने उल्लेख गरेका छन ।
दिवसको अवसर रक्तदान, कार्यालय सरसफाई, अन्तिरक्रिया, खेलकुद प्रतियोगिता लगायतका कार्यक्रमहरु गरिएको जिल्ला प्रशासन कार्यालयका प्रशासकिय अधिकृत हितप्रसाद पौडेलले बताउनु भयो ।
सुर्खेतका प्रमुख जिल्ला अधिकारी राजकुमार श्रेष्ठको अध्यक्षतमा भएको कार्यक्रमा कर्मचारी दिवको अवसरमा गरिएका विभिन्न प्रतियोगीतामा बिजयी हुनेहरुलाई सम्मान प्रदान गरिएको छ ।
यस्तै सुर्खेतको बजार छिन्चु बजारमा पनि सरकारी कार्यालयका कर्मचारीहरुले सरसफाई गरी निजामति सेवा दिवस मनाएका छन् ।
छिन्चुमा भेरीगंगा सञ्चार केन्द्र, नेपाली सेना, नगरपालिकाका कर्मचारी, व्यवसायी लगायत सरोकारवाला निकायहरुको सहभागितामा सरसफाई गरिएको हो ।
यसैवीच सेवा मैत्री र जवाफदेही प्रशासन संघीयतामा सुशासन भन्ने मुल नाराका साथ जाजरकोटमा पनि १३ औं निजामति सेवा दिबस मनाइएको छ ।
सेवा दिवसको अवसरमा सदरमुकाम खलंगामा विभिन्न कार्यक्रम गरिएको थियो ।
खलंगामा बृक्षा रोपन, सरसफाइ, घैटोफोर, ब्याटमन्टन, तौल उचाल्ले लगाएतका कार्यक्रम गरिएको प्रमुख जिल्ला अधिकारी जनार्दन गौतमले जानकारी दिनु भयो ।
जनताको कामलाई जनमैत्री बनाएर सेवा प्रवाह गरिने प्रजिअ गौतमको भनाइ छ ।
