बद्री पन्त
जाजरकोट २८, पुस
मुलुकको नयाँ संविधान र संरचना अनुसार सरकारले स्थानीय निकायको चुनावको मिति घोषणा गर्ने हल्ला चलेपछि जाजरकोट स्थित प्रमुख राजनैतिक दलहरु गाउँ पसेका छन् । 
पार्टीको केन्द्रिय र जिल्ला स्तरका विभिन्न कार्यक्रमहरुको वहाना गर्दै उनीहरु आगामी स्थानीय तहको निर्वाचनको तयारीका लागि जनता फकाउन गाउँ पसेका हुन् । 
संसदको सवै भन्दा ठुलो दल नेपाली काँग्रेसले गाउँ जागरण अभियान भन्दै गाउँ गाउँमा आमसभा र जनता भेटघाट कार्यक्रम गरिरहेको छ भने दोस्रो ठुलो दल नेकपा एमालेले पनि नयाँ संविधान कार्यन्वयनका लागि जागरण अभियान भन्दै गाउँमा जनता भेटघाट र आमसभाका कार्यक्रमहरु गरिरहेको छ ।
त्यस्तै संसदको तेस्रो ठुलो दल नेकपा माओवादी क्ेन्द्रले पनि गाउँ जागरण अभियान तथा पार्टी एकता अभियान भन्दै जिल्लाका गाउँ गाउँमा विभिन्न प्रशिक्षण भेटघाट तथा आमसभा गरिहेको छ ।
आफुहरुले आगमी चुनावलाइ नै लक्षित गरेर गाउँमा पार्टीका गतिविधिहरु अघि वढाएको जिल्ला स्तरीय नेता कार्यकर्ताहरु वताउछन् । जिल्लाको पुर्वी भेगमा अहिले नेपाली काँग्रेसले आफना गतिविधि गरिरहेको छ भने उत्तरी तथा पस्चिमी भेगका गाउँहरुमा नेकपा माओवादी केन्द्रले आफना गतिविधिहरु गरिरहेको छ । एमालेले पनि जिल्ला व्यापी रुपमा चार महिने अभियान चलाएको छ ।
१९ वर्ष पछि हुने स्थानीय तहको निर्वाचनका लागि दलहरु जनताको मत आफनो पक्षमा पार्न मिति घोषणा हुनु अघि नै कस्सिएका छन् । एमालेले आफनो राष्ट्रियकार्यक्रमको वहाना गर्दै जिल्लामा जनता भेटघोट अभियानलाइ तिव्र वनाएको छ ।
अव हुने स्थानीय तहका निर्वाचनका लागि जनतालाइ तयारी अवस्थामा राख्न र कार्यकर्ताहरुलाइ जागरुक वनाउन गाउँ जागरण अभियान जिल्ला व्यापी वनाइएको नेपाली कागँ्रेसका सभापति दिपकजंग शाहले वताए ।
एमाले जाजरकोटका अध्यक्ष करवीर शाहीले पार्टीको केन्द्रिय कार्यक्रम अनुसार संविधान कार्यान्वयनका लागि दवाव दिन जागरण अभियानमा आफुहरु सक्रिय रहेको र यसले आफुहरुलाइ स्थानीय तहको निर्वाचनलाइ पनि लक्षित गरिएको वताए ।
यस्तै नेकपा माओवादी केन्द्रका नेता पुर्णदेव शर्माले चुनावको पुर्व तयारीका रुपमा आफुहरु गाउँ जागरण अभियानमा सक्रिय रहेको वताए । प्रमुख दलहरुले जिल्ला स्तर र केन्द्रिय स्तरका नेताहरु लिएर गाँउ जागरण अभियानमा लागेका छन् ।
२०४९सालको स्थानीय निकायको निर्वाचनमा नेपाली काँग्रेसले वढी सिट जितेको थियो भने २०५४को स्थानीय चुनावमा एमालेले वढी सीट जितेको थियो । जिल्ला विकास समितिमा भने २०४९मा राप्रपा र २०५४मा एमालेले नेतृत्व गरेको थियो ।
अहिले राज्य पुर्नसरंचना आयोगले जाजरकोटका लागि तीन नगरपालिका र चार गाँउपालिका हुने भनी सिफारिस गरेको छ । जिल्लामा स्थानीय तहमा प्रमुख तीन दल काँग्रेस एमाले र नेकपा माओवादी केन्द्रकै विचमा कडा प्रतिष्पर्धा हुने अनुमान गरिएको छ ।
