चुनावमा उच्च मनोबलका साथ काम गर्न –आयुक्त शाहको निर्देशन

बद्री पन्त
जाजरकोट १, मंसिर
निर्वाचन आयुक्त सुधीर कुमार शाहले चुनाव सम्पन्न गर्न राष्ट्रसेवक कर्मचारी सबै उच्च मनोबलका साथ लाग्न निर्देशन दिनु भएको छ ।
शुक्रवार जाजरकोट स्थित मतदान अधिकृत र सहायक मतदान अधिकृतहरुलाई प्रशिक्षण दिनु हुदै शाहले यस्तो कुरा बताउनु भएको हो
आसन्न मंसिर १० गते हुनगइरहेको प्रतिनिधीसभा र प्रदेशसभा निर्वाचनलाई सफल पार्न निर्वाचनमा खटिएका कर्मचारी तथा शिक्षक, सुरक्षाकर्मी लगाएतलाई उच्च मनोवल बनाउन निर्देशन दिनु भएको हो ।
निर्वाचनको व्यवस्थापन र तयारीको अबस्था र शान्ति सुरक्षाको अवस्थाबारे निरीक्षण तथा अनुगमन गर्न हेलिकोप्टर मार्फत जाजरकोट आउनु भएका शाहले निर्वाचनमा खटीने मतदान अधिकृतलाई तोकेको जिम्मेवारी बहन गर्न समेट बताउनु भएको हो ।
सरकारले निर्वाचनमा खटीएका कर्मचारीको सुरक्षाको पुर्ण ग्यारिण्टी गरेको भन्दै निरधक्क भएर काम गर्न निर्देशन दिनु भएको छ ।
यसपटकको निर्वाचन जनताको भाग्य र भविष्यसंघ जोडिएको निर्वाचन भएकाले सवैले सहयोग गर्नुपर्ने शाहले बताउनु भयो ।
निर्वाचन विथोल्ने समुहलाई नियन्त्रणमा लिन प्रमुख जिल्ला अधिकारी पुष्पराज शाहीलाई निर्देशन समेत आयुक्त शाहले दिनु भएको छ ।
मुख्य निर्वाचन अधिकृत र सुरक्षा निकायका प्रमुखलाई जाजरकोटका ३ नगरपालिका र ४ गाउँ पालिकाको निर्वाचन शान्तिपुर्ण, निष्पक्ष, धा“दलीरहित र भयरहित वातावरण सम्पन्न गर्न समेत निर्देशन दिनु भएको छ ।
६ नम्बर प्रदेशको निर्वाचनको व्यवस्थापन तयारीको अबस्था र शान्ति सुरक्षाको अवस्थाबारे निरीक्षण गर्न आयुक्त शाह जाजरकोट आउनु भएको थियो ।

प्रकाशित मितिः १ मंसिर २०७४, शुक्रबार १८:४१

Leave a Reply

Your email address will not be published. Required fields are marked *