सुर्खेत

एसओएस हर्मन माइनर विद्यालय सुर्खेतले ३५ औं अभिभावक दिवस भव्य रुपमा मनाएको छ ।

दिवसमा विद्यालयका प्राचार्य हरिहर बस्नेतले विद्यालयको वार्षिक प्रतिवेदन पेस गर्दै विद्यालय राम्रो नजिता  ल्याउन र शिक्षाको गुणस्तर सुधार गर्नको लागि आफ्नो टिम अहोरात्र लागि परको बताए ।

उनले विधालयको शैक्षिक विकासमा सहयोग गर्ने प्रदेश सरकार, नगरपालिका, शिक्षक अभिभावकलयायत सरोकारवाल सबैप्रति आभार व्यक्त गरे ।

अभिभावक दिवस तथा खेल सप्ताहको उद्घाटन गर्दै मुख्यमन्त्री यामलाल कंडेलले कर्णालीको शैक्षिक विकासमा एसओएस हर्मन माइनर विद्यालयको ठूलो योगदान रहेको बताए ।

सुर्खेतमा पछिल्लो समय हरेक विद्यालयहरुले गुणस्तरीय शिक्षा दिन स्वच्छ प्रतिस्पर्धा गरिरहेको उल्लेख गर्दै उनले एसओएस हर्मन माइनर विद्यालयले आफुलाई सधैँ अव्वल सावित गर्न सक्नु पर्नेमा जोड दिए ।

विद्यालयले विज्ञान र प्रविधिलाई शिक्षाको माध्यम बनाई गुणस्तरीय शिक्षा दिने गरेको र अव विद्यार्थीलाई असल संस्कारयुक्त शिक्षा प्रदान गर्न तर्फ  लागु पनि मुख्यमन्त्रीले सुझाव दिए ।

समाजसेवी एवं बालरोग विशेषज्ञ डा. नवराज केसीले विद्यालयले बालबालिकाहरुलाई शिक्षामात्र नदिई स्वस्थ मानसिक स्वास्थ्य समेतमा राम्रो ध्यान दिएकोमा प्रसंशा गरे ।

कार्यक्रमको एसओएस बालग्राम सुर्खेतका निर्देशक तथा  विधालय व्यवस्थापन समितिका अध्यक्ष गोपालप्रसाद घिमिरेको अध्यक्षतामा भएको हो ।