सुर्खेत

स्तरीय प्राविधिक शिक्षा दिने लक्ष्यसहित सुर्खेतको वीरेन्द्रनगरमा  नयाँ सेवा र सुविधासहित चन्दननाथ प्राविधिक शिक्षालय संचालनमा आएको छ ।

प्राविधिक शिक्षा तथा व्यवसायिक तालिम परिषद् (CTEVT) बाट सम्बन्धन लिएको शिक्षालयमा सामान्य चिकित्सा (HA), मेडिकल ल्याव टेक्नोलोजी (CMLT) र डिप्लोमा इन कम्प्यूटर इन्जिनियरिङ्ग (IT)  का तीन बर्षे कोर्षहरु पढाइने छ ।

शिक्षालयका संचालक सुवास अधिकारीले सामान्य चिकित्सा (HA) मा ४०, मेडिकल ल्याव टेक्नोलोजी (CMLT) ३०  र डिप्लोमा इन कम्प्यूटर इन्जिनियरिङ्ग (IT)  ४८ वटा कोटाहरु रहेको बताए ।

उनका अनुसार शिक्षालयमा अनुभवी प्रशिक्षक र गुणस्तरीय प्रयोगशाला, जेहेन्दार विधार्थीलाई छात्रवृत्तिको सुविधा, आइटी कम्पनीहरुमा इन्टनसिपको व्यवस्था गरिएको छ ।

यस्तै एचएका विधार्थीको  लागि इन्टनसिप (ओजेटी)  गर्न कर्णाली केयर अस्पतालसँग सम्झैता गरिएको छ भने स्वास्थ्य र आइटी तहमा रोजगारी गर्न सक्ने जनशक्ति तयार पार्ने शिक्षालयको लक्ष्य रहेको संचालक अधिकारीको भनाई छ ।

बीरेन्द्ननगर नगरपालिका -३, मा रहेको शिक्षालयमा पढन इच्छुक एसइई पास विधार्थीहरुले यही साउन २६ गतेभित्र  अनलाईन फरम भरी सक्नु पर्नेछ ।

अरु भन्दा नयाँ र फरक किसिमले स्तरीय शिक्षा दिने लक्ष्यसहित चन्दननाथ प्राविधिक शिक्षालय संचालनमा ल्याइएको छ ।