बद्री पन्त
जाजरकोट १६, पुस
रमाइलो मेला तथा जाजरकोट सांस्कृतिक महोत्सवको अवसरमा आयोजना गरिएको खुल्ला भलिबल खेलको उपाधि सुर्खेतको चुली युवा क्लबले हात पारेको छ । जाजरकोट स्थित सशस्त्र प्रहरी बल एपीएफलाई पराजित गर्दै चुली युवा क्लब विजयी भएको हो । खलंगाको थाप्लेचौर खेल मैदानमा वेस्ट अफ फाईभमा खेलाइएको फाइनल खेलमा ३(१ ले सुर्खेतले जित निकालेको हो ।
२५(१७, २५(१७, १९(२५ र २५(१८ को सेटमा एपीएफ पराजित भएको हो । जितसँगै सुर्खेतले एक लाख पचास हजार रुपैयाँ, द्धितिय भएको एपीएफले नगद एक लाख हात पारेको छ । भलिबल प्रतियोगितामा तृतिय भएको नेपाली सेनाको ज्वालादल गणले ५० हजार रुपैयाँ पाएको छ । सात टिमको सहभागीता रहेको भलिबल प्रतियोगिता लिक कम नकआउटको नियम अनुसार खेलाइएको थियो ।
भलिबल प्रतियोगितामा स्थानीय क्लब, विभिन्न पालिका, नेपाल आर्मी, एपीएफ र छिमेकी जिल्लाका टिमहरु सहभागी रहेका थिए। गत १२ पुस गते देखी भएको खेलको फाइनल खेल बुधवार भएकोे हो । जाजरकोटमा अहिलेसम्म आयोजना गरिएका खेल मध्य प्रतियोगिता सर्वा्धिक राशीको पुरस्कार हो ।
राराखबर । २०७६, १६ पुष बुधबार