कर्णाली प्रदेश सरकारले आगामी आर्थिक वर्ष २०८२/०८३ का लागि ३२ अर्ब ९९ करोड ६६ लाख ५५ हजार रुपैयाँको बजेट प्रस्तुत गरेको छ। चालु आर्थिक वर्षको तुलनामा यो बजेट करिब ५ प्रतिशतले वृद्धि भएको हो। आर्थिक मामिला तथा योजना मन्त्री राजिवविक्रम शाहले प्रदेशसभामा उक्त बजेट प्रस्तुत गरेका छन् ।
सार्वजनिक गरेको यो बजेट चालु आव २०८१/८२ को तुलनामा ५ प्रतिशतले बढी हो । यस वर्ष प्रदेशले ३१ अर्ब ४१ करोड ४१ हजार रुपैयाँको बजेट कार्यान्वयन गरिरहेको छ ।
स्थानीय स्तरमै उद्यमीलाई प्रोत्साहन, स्थानीय कच्चा पदार्थमा आधारित उद्योग लगायतका विषयमा बजेटमा समावेश छन् । जसका लागि ६ करोड बजेट विनियोजन गरिएको छ ।
त्यस्तै, कर्णालीको बजेटमा रैथाने उत्पादनको बजारीकरण गर्नका लागि कोसेली घर सञ्चालनमा ल्याउने बजेटमा उल्लेख छ ।
मुख्य प्राथमिकता तथा विशेषता
- प्रस्तुतकर्ता: आर्थिक मामिला मन्त्री राजीवबिक्रम शाही
- चालु बजेट : ३१ अर्ब ४१ करोड ४१ हजार
आगामी बजेट : ३२ अर्ब ९९ करोड ६६ लाख ५५ हजार - चालु वर्षको भन्दा एक अर्ब ५८ करोड रूपैयाँले धेरै
खर्च विवरण:
- चालु खर्च: ७ अर्ब ७९ करोड
- पुँजीगत खर्च: १९ अर्ब अर्ब ९८ करोड
- वित्तीय हस्तान्तरण तथा वित्तीय व्यवस्ता : ५ अर्ब २० करोड
आयको स्रोत
- आन्तरिक राजस्व : ९६ करोड
- राजस्व बाँडफाटबाट : १० अर्ब २७ करोड
- संघीय सरकारबाट आउने अनुदान : १६ अर्ब २ करोड
- चालु वर्षको नगद मौजदात : ३ अर्ब
- बचत र वैदेशिक सहायता : ७ अर्ब ५६ करोड
मुख्य प्राथमिकता तथा विशेषता
- स्थानीय कच्चा पदार्थमा आधारित उद्योग प्रवर्द्धनका लागि ६ करोड।
- रैथाने उत्पादन, उद्यम र कोसेली घरजस्ता कार्यक्रम
- स्थानीय उद्यमीलाई प्रोत्साहन गर्ने कार्यक्रम
- रोजगारी अभिवृद्धि तथा उद्यमशिलता प्रवर्द्धन कार्यक्रम
राराखबर । २०८२, २ असार सोमबार