कर्णालीबासीले यस पटकको निर्वाचनमा राष्ट्रिय राजनीतिमा प्रभाव राख्ने सवै दललाई प्रतिनिधि सभामा प्रतिनिधित्व गराएर पठाएका छन् ।
नेपाली काँग्रेस, नेकपा एमाले, नेपाली कम्युनिष्ट पार्टी, राष्ट्रिय स्वतन्त्र पार्टी र राष्ट्रिय प्रजातन्त्र पार्टीलाई जिताएर प्रतिनिधि सभामा पठाएका हुन ।
कर्णालीका दश जिल्लाका १२ निर्वाचन क्षेत्र मध्ये काँग्रेसले सवै भन्दा बढी ५ सिट जित्नै नेपाली काँग्रेस भने पहिलो दल भएको छ ।
देशैभरी नराम्रो पराजय भोगेको काँग्रेसलाई कर्णालीबासीले भने पहिलो दल बनाएर प्रतिनिधि सभामा पठाएका छन् ।
देशैभरी खराव प्रर्दशन गरिरहेको नेकपाले ४ सिट जितेर दोस्रो भएको छ । यस्तै एमाले, रास्वपा र राप्रपाले एक/एक सिटमा चित्त बुझाएका छन् ।
अघिल्लो चुनावमा कर्णालीमा खाली हात रहेका एमालेले दैलेख क्षेत्र नम्वर २ र रास्वपाले सुर्खेत क्षेत्र नम्वर २ काँग्रेसबाट खोसेका छन् ।
काँग्रेस भने सुर्खेत २ र दैलेख २ गुमाएपनि सुर्खेत क्षेत्र नम्वर १ र मुगुमा जित कायम राख्दै दैलेख १, हुम्ला, जाजरकोटमा जित हासिल गर्न सफल भएको छ ।
यस्तै नेपाली कम्युनिष्ट पार्टीले जाजरकोट गुमाएपनि रुकुम पश्चिम, कालिकोट, सल्यान र डोल्पामा भने जित कायमै राखेको छ ।
राप्रपाले भने जुम्लामा जित दोहोर्याएर आफ्नो इतिहास राखेको छ । जुम्लाको संसदिय इतिहासमा यस अघि कुनै पनि दलले दोहोर्याएर चुनाव जितेको रेकर्ड थिएन । उक्त रेकर्ड यसपाली तोडिएको छ ।
राराखबर । २०८२, २४ फाल्गुन आईतवार